ກະຊວງພາຍໃນ

Ministry of Home Affairs

ກອງປະຊຸມໃຫຍ່ຜູ້ແທນອົງຄະນະພັກກະຊວງພາຍໃນ ຄັ້ງທີ II ອັດລົງດ້ວຍຜົນສໍາເລັດອັນຈົບງາມ ສະຫາຍ ປອ ທອງຈັນ ມະນີໄຊ ໄດ້ຮັບການຄັດເລືອກເປັນເລຂາຄະນະພັກກະຊວງພາຍໃນ ສະໄໝທີ II

ກອງປະຊຸມໃຫຍ່ຜູ້ແທນ ອົງຄະນະພັກກະຊວງພາຍໃນ ຄັ້ງທີ II ໄດ້ອັດລົງດ້ວຍຜົນສໍາເລັດຢ່າງສະຫງ່າງາມ ໃນຕອນບ່າຍວັນທີ 22 ທັນວາ 2020 ນີ້, ໂດຍພາຍໃຕ້ການເປັນປະທານຂອງ ສະຫາຍ ປອ ທອງຈັນ ມະນີໄຊ ເລຂາຄະນະພັກ ລັດຖະມົນຕີກະຊວງພາຍໃນ, ໂດຍໃຫ້ກຽດເຂົ້າຮ່ວມກອງປະຊຸມຂອງ ສະຫາຍ ພົນໂທ ວິໄລ ຫຼ້າຄໍາຟອງ ຄະນະເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ, ມີຮອງເລຂາ ແລະ ກໍາມະການພັກ, ບັນດາຄະນະພັກກະຊວງພາຍໃນ, ຄະນະຈັດຕັ້ງສູນກາງພັກ, ຄະນະກວດກາສູນກາງພັກ, ອະດີດການນຳກະຊວງ, ພະນັກງານປະຕິວັດອາວຸໂສ ແລະ ຜູ້ແທນສົມບູນຈຳນວນ 180 ສະຫາຍ, ຍິງ 55 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກທົ່ວກະຊວງພາຍໃນ ຈໍານວນ 270 ສະຫາຍ ແລະ ແຂກຖືກເຊີນເຂົ້າຮ່ວມ.

ຜູ້ແທນກອງປະຊຸມໄດ້ພ້ອມກັນໃຊ້ສິດປະຊາທິປະໄຕ ຂອງຕົນປ່ອນບັດເລືອກຕັ້ງເອົາຄະນະບໍລິຫານງານພັກກະຊວງພາຍໃນ ສະໄໝທີ II  ເຊິ່ງມີຜູ້ລົງສະໝັກ 16 ສະຫາຍ, ເລືອກໄດ້ 13 ສະຫາຍ ຍິງ 5 ສະຫາຍ ເຊິ່ງມີລາຍຊື່ດັ່ງນີ້:

ຕະຫຼອດໄລຍະດໍາເນີນກອງປະຊຸມ, ບັນດາສະຫາຍຜູ້ແທນໄດ້ຍົກສູງຄວາມຮັບຜິດຊອບໜ້າທີ່ການເມືອງຂອງຕົນເຂົ້າໃນການຄົ້ນຄວ້າປະກອບຄໍາເຫັນ ພິຈາລະນາ ແລະ ຮັບຮອງ ເອົາຮ່າງບົດລາຍງານການເມືອງ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ຂອງອົງຄະນະພັກກະຊວງພາຍໃນ ຄັ້ງທີ I ໃນໄລຍະ 5 ປີຜ່ານມາ(2016-2020) ໂດຍໄດ້ສະຫຼຸບຕີລາຄາການນໍາພາຈັດຕັ້ງປະຕິບັດໜ້າທີ່ວຽກງານຂະແໜງພາຍໃນ ກໍຄືການປັບປຸງກໍ່ສ້າງສະມາຊິກພັກໃນຊຸມປີຜ່ານມາ ພ້ອມທັງຮັບຮອງເອົາທິດທາງແຜນການວຽກງານຈຸດສຸມໃນ 5 ປີຕໍ່ໜ້າ (2021-2025), ທັງນີ້ເພື່ອເຮັດໃຫ້ການຈັດຕັ້ງປະຕິບັດໜ້າທີ່ວຽກງານຂະແໜງພາຍໃນ ແລະ ການປັບປຸງກໍ່ສ້າງພັກ-ພະນັກງານໃນທຸກດ້ານໃຫ້ມີຄວາມໜັກແໜ້ນ ເຂັ້ມແຂງ ຕາມແນວທາງປ່ຽນແປງໃໝ່ທີ່ມີຫຼັກການຂອງພັກ ຮັບປະກັນໃຫ້ແກ່ສະມາຊິກພັກ-ພະນັກງານຂະແໜງພາຍໃນ ຍາມໃດກໍມີຄວາມຈົງຮັກພັກດີຕໍ່ພັກ, ຕໍ່ປະເທດຊາດ ແລະ ຕໍ່ປະຊາຊົນ.

  1. ສະຫາຍ ປອ ທອງຈັນ ມະນີໄຊ;
  2. ສະຫາຍ ນິສິດ ແກ້ວປັນຍາ;
  3. ສະຫາຍ ນ ທອງຈັນ ແກ້ວແສນຫອມ;
  4. ສະຫາຍ ວັນນະ ບຸບຜາ;
  5. ສະຫາຍ ປອ ນ ຈັນທາ ອ່ອນໄຊວຽງ;
  6. ສະຫາຍ ສໍສອນພິດ ພານຸວົງ;
  7. ສະຫາຍ ຕ໋ອງ ພູມມີພັນ;
  8. ສະຫາຍ ບຸນຈັນ ນິຍະວົງ;
  9. ສະຫາຍ ບຸນຍົງ ສີສຸພັນ;
  10. ສະຫາຍ ນ ກົມມະລີ ວິລະພັນ;
  11. ສະຫາຍ ນ ຄໍາພູນ ແກ້ວສະຫວັນ;
  12. ສະຫາຍ ສຸລິວັນ ອ່ອນຕາວົງ;
  13. ສະຫາຍ ປອ ນ ອໍາມະລາ ແກ້ວໜູຈັນ. ພ້ອມນີ້, ກອງປະຊຸມໄດ້ເລືອກຕັ້ງເອົາຜູ້ແທນສົມບູນ ຈໍານວນ 5 ສະຫາຍ ປະກອບມີ:
  14. ສະຫາຍ ທອງຈັນ ມະນີໄຊ;
  15. ສະຫາຍ ນິສິດ ແກ້ວປັນຍາ;
  16. ສະຫາຍ ສິງທະວອນ ດາລາວົງ;
  17. ສະຫາຍ ນ ທອງຈັນ ແກ້ວແສນຫອມ;
  18. ສະຫາຍ ປອ ນ ຈັນທາ ອ່ອນໄຊວຽງ.

ແລະ ໄດ້ເລືອກຕັ້ງເອົາຜູ້ແທນສໍາຮອງ 2 ຈໍານວນ ປະກອບມີ:

  1. ສະຫາຍ ບຸນຍົງ ສີສຸພັນ;
  2. ສະຫາຍ ຕ໋ອງ ພູມມີພັນ ເພື່ອໄປຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ.

ກອງປະຊຸມຄົບຄະນະຄັ້ງປະຖົມມະລືກຂອງຄະນະບໍລິຫານງານພັກກະຊວງພາຍໃນ ສະໄຫມທີ II ໄດ້ເປັນເອກະພາບເລືອກຕັ້ງເອົາ ຄະນະປະຈໍາພັກກະຊວງພາຍໃນ ຈໍານວນ 03 ສະຫາຍ ຍິງ 01 ສະຫາຍ ຄື:

  1. ສະຫາຍປອ ທອງຈັນ ມະນີໄຊ;
  2. ສະຫາຍ ນິສິດ ແກ້ວປັນຍາ;
  3. ສະຫາຍ ນ ທອງຈັນ ແກ້ວແສນຫອມ.

ກອງປະຊຸມໄດ້ເປັນເອກະສັນປະຊາມະຕິເລືອກເອົາເລຂາ, ຮອງເລຂາຄະນະພັກກະຊວງ ເຊິ່ງມີບັນດາສະຫາຍ ດັ່ງນີ້:

  1. ສະຫາຍ ປອ ທອງຈັນ ມະນີໄຊ ເປັນເລຂາຄະນະພັກກະຊວງພາຍໃນ;
  2. ສະຫາຍ ນິສິດ ແກ້ວປັນຍາ ເປັນຮອງເລຂາຄະນະພັກກະຊວງພາຍໃນ ແລະ ກອງປະຊຸມຍັງໄດ້ເປັນເອກະສັນຢ່າງສົມບູນປ່ອນບັດເລືອກຕັ້ງເອົາ ປະທານ-ຮອງປະທານກວດກາພັກ ເຊິ່ງມີບັນດາສະຫາຍດັ່ງນີ້:
  3. ສະຫາຍ ນ.ທອງຈັນ ແກ້ວແສນຫອມ ເປັນປະທານກວດກາພັກ;
  4. ສະຫາຍ ຕ໋ອງ ພູມມີພັນ ເປັນຮອງປະທານກວດກາພັກ;
  5. ສະຫາຍ ນ ຂັນຄໍາ ແສງປະທຸມມາ ເປັນຮອງປະທານກວດກາພັກ.

ກອງປະຊຸມຄັ້ງນີ້ ຍັງໄດ້ຮັບຟັງການໂອ້ລົມ ຈາກ ສະຫາຍ ພົນໂທ ວິໄລ ຫຼ້າຄໍາຟອງ ຄະນະເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ເຊີ່ງສະຫາຍໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຄວາມເອົາໃຈໃສ່ຊີ້ນໍາ-ນໍາພາຂອງຄະນະພັກກະຊວງພາຍໃນ ກໍຄືຄະນະພັກຂັ້ນຕ່າງໆຕໍ່ການຈັດຕັ້ງປະຕິບັດມະຕິກອງປະຊຸມໃຫຍ່ສະມາຊິກພັກ ອົງຄະນະພັກກະຊວງພາຍໃນ ຄັ້ງທີ I ຕະຫລອດໄລຍະ 5 ປີ ຜ່ານມາ ທີ່ສ້າງໄດ້ຜົນງານ ແລະ ມີຜົນສໍາເລັດຫຼາຍດ້ານ, ຂະແໜງພາຍໃນໄດ້ປະກອບສ່ວນຢ່າງຕັ້ງໜ້າໃນການປະຕິບັດໜ້າທີ່ຍຸດທະສາດ, ເສີມຂະຫຼາຍທາດແທ້ ແລະ ມູນເຊື້ອອັນສະຫງ່າງາມ, ເຊີດຊູສະຕິລະວັງຕົວກຽມພ້ອມຮັບໃຊ້ໜ້າທີ່ການເມືອງທີ່ພັກ-ລັດມອບໝາຍໃຫ້ຮອບດ້ານ ໂດຍສະເພາະການບໍລິການຮັບໃຊ້ສັງຄົມກ່ຽວກັບວຽກງານຂະແໜງພາຍໃນ, ຮັບ ປະກັນໄດ້ສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບປອດໄພ.

ສະຫາຍ ຍັງໄດ້ເນັ້ນໃຫ້ຄະນະບໍລິຫານງານພັກກະຊວງພາຍໃນ ຊຸດໃໝ່ ສືບຕໍ່ເສີມຂະຫຍາຍມູນເຊື້ອສ້າງວຽກງານຂະແໜງພາຍໃນ ໃຫ້ກາຍເປັນເຄື່ອງມືໃນການຄຸ້ມຄອງບໍລິຫານລັດ-ຄຸ້ມຄອງສັງຄົມ ທີ່ມີປະສິດທິພາບ ແລະ ເດັດດ່ຽວ ຍຶດໝັ້ນບົດບາດການນໍາພາເດັດຂາດ ໂດຍກົງ ແລະ ຮອບດ້ານ ຂອງພັກ, ປັບປຸງອົງຄະນະພັກກະຊວງພາຍໃນ ໃຫ້ປອດໃສ, ເຂັ້ມແຂງ, ຫນັກແຫນ້ນ ທາງດ້ານການເມືອງ, ແນວຄິດ, ການຈັດຕັ້ງ, ຍົກສູງຄວາມສາມາດນໍາພາຢ່າງຮອບດ້ານ ແລະ ຄວາມສາມາດນໍາພາ-ຊີ້ນຳຂອງຄະນະພັກທຸກຂັ້ນ, ປັບປຸງກໍ່ສ້າງສະມາຊິກພັກ-ພະນັກງານ ທຸກຂັ້ນ ຕາມທິດຫັນເປັນທັນສະໄໝ ໂດຍສຸມໃສ່ປັບປຸງກໍ່ສ້າງດ້ານວຽກງານວິຊາສະເພາະ ໄປຄຽງຄູ່ກັບດ້ານການເມືອງແນວຄິດ, ແບບແຜນຊີ້ນໍາ-ນຳພາ ແລະ ດ້ານການຈັດຕັ້ງ, ຮັບປະກັນໃຫ້ໄດ້ 3 ຮຸ່ນ, ສືບຕໍ່ຄົ້ນຄວ້າ​ປັບປຸງ​ກົງຈັກລັດໃຫ້​ຖືກຕ້ອງ​ຕາມ​ທິດ​ກະທັດ​ຮັດ ສົມ​ເຫດ​ສົມ​ຜົນ ​ແລະ ມີ​ປະສິດ ທິພາບ, ສັບຊ້ອນພະນັກງານ ເຂົ້າໃນຕໍາແໜ່ງານໃຫ້ຖືກເປົ້າໝາຍ ແລະ ແທດເໝາະກັບໜ້າທີ່ວຽກງານຕົວຈິງ, ສ້າງວິຊາການ ໃຫ້ເປັນມືອາຊີບທີ່ເຂັ້ມແຂງ, ຕ້ານປະກົດການສ້າງກຸ່ມກ້ອນ, ຈຸ້ມເຈື້ອເຊື້ອສາຍ ທີ່ຂັດກັບແນວທາງ, ນະໂຍບາຍ ແລະ ລະບຽບກກົດໝາຍ ຕິດພັນກັບການປະຕິບັດນະໂຍບາຍຕໍ່ກັບພະນັກງານ-ລັດຖະກອນຢ່າງເໝາະສົມ, ສ້າງ ແລະ ພັດທະນາວຽກງານຂະແໜງພາຍໃນ ໃຫ້ກ້າວສູ່ຄຸນນະພາບໃໝ່ ແລະ ເຂັ້ມແຂງຂຶ້ນກວ່າເກົ່າ. ພ້ອມທັງຕ້ອງ​ເອົາ​ໃຈ​ໃສ່​ຕື່ມ​ບັນ​ຫາ​ການ​ຫລຸດ​ຜ່ອນ​ຈຳ​ນວນ​ພົນດ້ວຍ​ວິ​ທີ​ການ​ທີ່​ເໝາະ​ສົມ, ​ການກໍານົດ​ພາລະ​ບົດບາດ, ໜ້າ​ທີ່, ຕຳ​ແໜ່ງ​ງານ​ ຂອງ​ກົງຈັກ​ການຈັດ​ຕັ້ງ​ທຸກ​ຂັ້ນ​ໃຫ້​ລະ​ອຽດ, ​ຈະ​ແຈ້ງ. ນອກນີ້, ​ຕ້ອງ​ເອົາ​ໃຈ​ໃສ່​ວຽກ​ງານ​ຊົນ​ເຜົ່າ ແລະ ສາສະໜາ, ວຽກງານສະມາຄົມ ແລະ ມູນ​ນິທິ, ວຽກ​ງານ​ຄຸ້ມ​ຄອງ​ພົນລະ​ເມືອງ, ​ວຽກງານ​ເຂດ​ແດນ​ເຊື່ອມ​ຕໍ່ຊຶ່ງລ້ວນແລ້ວຕິດພັນກັບ​ຄວາມໝັ້ນຄົງຂອງຊາດ, ​ຄວາມສະຫງົບສຸກ ແລະ ​ຄວາມເປັນ​ລະບຽບ​ຮຽບຮ້ອຍ​​ໃນ​ສັງຄົມ​.

Hits: 45

Leave a Reply

Your email address will not be published. Required fields are marked *