ກະຊວງພາຍໃນ

Ministry of Home Affairs

ພະນັກງານກະຊວງສາທາລະນະສຸກໄດ້ຮັບບັດລັດຖະກອນ

ໃນວັນທີ 16 ຕຸລາ 2020 ທີ່ ຫ້ອງປະຊຸມ ມະຫາວິທະຍາໄລ ສຸຂະພາບ ເຂດດົງໂພສີ ໄດ້ມີພິທີມອບ-ຮັບ ບັດລັດຖະກອນ ໃຫ້ແກ່ ພະນັກງານ-ລັດຖະກອນ ກະຊວງສາທາລະນະສຸກ ຈຳນວນ 410 ທ່ານ, ໂດຍການເຂົ້າຮ່ວມເປັນປະທານ ຂອງ ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະກອນ ກະຊວງພາຍໃນ ແລະ ທ່ານ ດຣ ນ. ແສງຈ້ອຍ ປັນຍາວົງ ຫົວໜ້າກົມຈັດຕັ້ງ ແລະ ພະນັກງານ ກະຊວງສາທາລະນະສຸກ ມີ ພະນັກງານ-ລັດຖະກອນ ຂອງ ກະຊວງສາທາລະນະສຸກ ເຂົ້າຮ່ວມ.

ໃນພິທີ  ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະກອນ ກະຊວງພາຍໃນ ໄດ້ໃຫ້ກຽດຂຶ້ນເຜີຍແຜ່ຄຳແນະນຳ ເລກທີ 06 ກ່ຽວກັບການອອກບັດລັດຖະກອນ ເພື່ອແນະນໍາໃຫ້ ພະນັກງານ-ລັດຖະກອນ ໄດ້ຮັບຮູ້ ແລະ ເຂົ້າໃຈຢ່າງຈະແຈ້ງ ກ່ຽວກັບການນຳໃຊ້ບັດ ແລະ ຂັ້ນຕອນການປັບປຸງຂໍ້ມູນໃຫ້ຖືກຕ້ອງຕາມລະບຽບການ.

ການອອກບັດ ພະນັກງານ-ລັດຖະກອນ ແມ່ນເປັນການຢັ້ງຢືນ ແລະ ກວດກາບັນຊີ ຈໍານວນພົນພະນັກງານ-ລັດຖະກອນຜູ້ມີໜ້າ ຫຼື ບໍ່ມີໜ້າຕົວຈິງ ທັງເປັນການປັບປຸງຂໍ້ມູນປະຫວັດລັດຖະ ກອນ ໃຫ້ຖືກຕ້ອງ ແລະ ຫັນການຄຸ້ມຄອງພະນັກງານ-ລັດຖະກອນ ໃຫ້ສອດຄ່ອງຕາມກົດໝາຍ, ລະບຽບການ ແລະ ທັນສະໄໝ ເຮັດໃຫ້ການເບີກຈ່າຍເງິນເດືອນ, ເງິນອຸດໜູນ ແລະ ເງິນນະໂຍບາຍຕ່າງໆຖືກຕ້ອງຕາມຕົວຈິງ. ພ້ອມນີ້, ບັດພະນັກງານ-ລັດຖະກອນ ຍັງອຳນວຍສະດວກຫຼາຍຢ່າງ ເຊິ່ງສາມາດນຳໃຊ້  ແທນບັດປະກັນສັງຄົມ ແລະ ບັດເອທີເອັມ ໄດ້ໃນບັດດຽວອີກດ້ວຍ.

Hits: 0

Leave a Reply

Your email address will not be published. Required fields are marked *