ກະຊວງພາຍໃນ

Ministry of Home Affairs

ພິທີມອບ-ຮັບ ອຸປະກອນໄອທີສຳລັບວຽກງານຖານຂໍ້ມູນລັດຖະກອນ

ເພື່ອອຳນວຍຄວາມສະດວກໃນການພັດທະນາວຽກງານຄຸ້ມຄອງຖານຂໍ້ມູນ ພະນັກງານ-ລັດຖະກອນ ໃຫ້ເປັນລະບົບທີ່ທັນສະໄໝ ແລະ ມີປະສິດທິພາບສູງ, ໃນລະຫວ່າງວັນທີ 17-18 ກັນຍາ 2020 ກົມຄຸ້ມຄອງລັດຖະກອນ ກະຊວງພາຍໃນ ໄດ້ຈັດພິທີມອບ-ຮັບ ອຸປະກອນໄອທີສຳລັບວຽກງານຖານຂໍ້ມູນລັດຖະກອນໃຫ້ແກ່ບັນດາພະແນກພາຍໃນແຂວງ ແລະ ນະຄອນຫຼວງໃຫ້ກຽດມອບໂດຍ ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະກອນ  ກະຊວງພາຍໃນ ແລະ ທ່ານ ອາໂນລັກ ສິດທິເດດ ຮອງຫົວໜ້າກົມຄຸ້ມຄອງລັດຖະກອນ ກະຊວງພາຍໃນ  ໃຫ້ກຽດຮັບໂດຍ ຕາງໜ້າຄະນະ ພະແນກພາຍໃນນະຄອນຫຼວງວຽງຈັນ, ພະແນກພາຍໃນແຂວງວຽງຈັນ, ພະແນກພາຍໃນແຂວງບໍ່ແກ້ວ, ພະແນກພາຍໃນແຂວງຫົວພັນ, ພະແນກພາຍໃນແຂວງຈຳປາສັກ ແລະ ພະແນກພາຍໃນແຂວງອັດຕະປື. ອຸປະກອນໄອທີ ທີ່ນຳມາມອບໃນຄັ້ງນີ້ ແມ່ນໄດ້ຮັບການສະໜັບສະໜູນຈາກສະຫະພາບເອີຣົບໂດຍຜ່ານຫ້ອງການທະນາຄານໂລກ ປະຈຳ ສປປ ລາວ ແລະ ກະຊວງການເງິນ ພາຍໃຕ້ໂຄງການປັບປຸງລະບົບການເງິນພາກລັດ ເພື່ອຮັບໃຊ້ເຂົ້າໃນວຽກງານຄຸ້ມຄອງຖານຂໍ້ມູນ ພະນັກງານ-ລັດຖະກອນ ຂອງ ບັນດາພະແນກພາຍໃນແຂວງທົ່ວປະເທດ, ໂດຍໄດ້ມອບໃຫ້ພາກສ່ວນລະ 01 ຊຸດ ເຊິ່ງປະກອບມີ: ຄອມພິວເຕີຕັ້ງໂຕະ, ເຄື່ອງພິມເອກະສານ (Printer), ສະແກນເນີ ແລະ ເຄື່ອງຮັບ-ສົ່ງສັນຍານອິນເຕີເນັດ (Poket Wifi); ລວມມູນຄ່າຈັດຊື້ອຸປະກອນທັງໝົດ 63,770 ໂດລາສະຫະລັດ, ເຊິ່ງກົມຄຸ້ມຄອງລັດຖະກອນ ກະຊວງພາຍໃນ ຈະໄດ້ສົ່ງມອບໃຫ້ ບັນດາພະແນກພາຍໃນ 18 ແຂວງ ທົ່ວປະເທດ ໃນຂັ້ນຕໍ່ໄປ, ສ່ວນແຂວງທີ່ຍັງເຫຼືອແມ່ນຈະສືບຕໍ່ມອບໃຫ້ສຳເລັດພາຍໃນເດືອນຕຸລາ ປີ 2020.

Hits: 0

Leave a Reply

Your email address will not be published. Required fields are marked *