ກະຊວງພາຍໃນ

Ministry of Home Affairs

ແຂວງ ໄຊຍະບູລີ ສະຫຼຸບຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບການຈັດຕັ້ງຜັນຂະຫຍາຍວຽກງານ 3 ສ້າງເຂົ້າສູ່ລວງເລິກ

ວັນທີ 4 ກັນຍາ 2020 ນີ້ ແຂວງໄຊຍະບູລີ ໄດ້ຈັດກອງປະຊຸມ ສະຫຼຸບຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບວຽກງານ 3 ສ້າງ ຂຶ້ນທີ່ຫ້ອງປະຊຸມໃຫຍ່ຂອງແຂວງ, ເປັນກຽດເຂົ້າຮ່ວມມີ ທ່ານ ພົງສະຫວັນ ສິດທະວົງ ເຈົ້າແຂວງໆໄຊຍະບູລີ ມີການນໍາຂັ້ນແຂວງ, ຂັ້ນເມືອງ 11 ເມືອງ, ມີຫົວໜ້າ, ຮອງຫົວໜ້າພະແນກການ, ກົມກອງ, ມີກໍາລັງປະກອບອາວຸດ, ແລະ ນັກທຸລະກິດ-ຜູ້ປະກອບການ, ຄອບຄົວຕົວແບບດ້ານຕ່າງໆ ທົ່ວແຂວງເຂົ້າຮ່ວມ.

          ທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງໆໄຊຍະບູລີ ປະທານກອງປະຊຸມ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຂະບວນການແຂ່ງຂັນຮັກຊາດ ແລະ ພັດທະນາ, ຜັນຂະຫຍາຍວຽກງານ 3 ສ້າງເຂົ້າສູ່ລວງເລິກແຕ່ປີ 2015-2020 ແລະ ທິດທາງແຜນການ 2020-2025 ທີ່ໄດ້ຍົກໃຫ້ເຫັນ: ຄວາມໝາຍ-ຄວາມສໍາຄັນຂອງການແຂ່ງຂັນຮັກຊາດ ແລະ ພັດທະນາ ໂດຍສະເພາະ ຮັກຊາດ ແມ່ນຕ້ອງຕິດພັນກັບການຮັກລະບອບໃໝ່ ແລະ ພັດທະນາ ແມ່ນເຮັດໃຫ້ມີການຫັນປ່ຽນຈາກອັນເກົ່າໄປສູ່ອັນໃໝ່ທີ່ຂະຫຍາຍຕົວກ້າວໜ້າຂຶ້ນ, ຜົນສໍາເລັດຂອງການຈັດຕັ້ງປະຕິບັດຂະບວນການແຂ່ງຂັນຮັກ​ຊາດ ​ແລະ ພັດ​ທະນາເຫັນວ່າ: ການສ້າງບ້ານເປັນຫົວໜ່ວຍພັດທະນາຕາມທິດນໍາ 3 ສ້າງ  ທັງ 4 ດ້ານ ສາມາດບັນລຸແຕ່ລະດ້ານ 80% ຂຶ້ນໄປ ຈໍານວນ 375 ບ້ານ, ເທົ່າກັບ 87% ຂອງຈໍານວນບ້ານທັງໝົດ, ບໍ່ບັນລຸ 55 ບ້ານ. ການສ້າງເມືອງເປັນຫົວໜ່ວຍເຂັ້ມແຂງຮອບດ້ານຕາມທິດນໍາ 3 ສ້າງໃຫ້ໄດ້ 5-7 ເມືອງ ຜ່ານການປະເມີນເຫັນວ່າຍັງມີຫລາຍອັນຍັງພົບກັບຄວາມຫຍຸ້ງຍາກທີ່ຈະຕ້ອງໄດ້ສືບຕໍ່ເຮັດໃຫ້ສໍາເລັດໃນຕໍ່ໜ້າ, ຂະບວນການແຂ່ງຂັນຮັກຊາດ ແລະ ພັດທະນາ ປະເພດຄອບຄົວມີ 3 ປະເພດຄື: ຄອບຄົວຊາວກະສິກອນທົ່ວ​ໄປເຂົ້າຮ່ວມແຂ່ງຂັນທັງໝົດ 64,384 ຄອບຄົວ, ມີເນື້ອໃນແຂ່ງຂັນລວມ 9 ຂໍ້, ສາມາດຕີລາຄາການຈັດຕັ້ງປະຕິບັດ ແລະ ຕີລາຄາປະເພດ I ມີ 50,338 ຄອບຄົວ, ປະເພດ II ມີ 7,182 ຄອບຄົວ ແລະ ປະເພດ III ມີ 1,950 ຄອບຄົວ, ຄອບຄົວທຸລະກິດຜູ້ປະກອບການ ເຂົ້າຮ່ວມແຂ່ງຂັນທັງໝົດ 5,099 ຄອບຄົວ, ມີເນື້ອໃນແຂ່ງຂັນລວມ 5 ຂໍ້, ໄດ້ປະເພດ I ມີ 730 ຄອບຄົວ, ປະເພດ II ມີ 241 ຄອບຄົວ ແລະ ປະເພດ III ມີ28 ຄອບຄົວ, ຄອບຄົວພະນັກງານ, ທະຫານ, ຕໍາຫຼວດ ເຂົ້າຮ່ວມແຂ່ງຂັນທັງໝົດ 7,948 ຄອບຄົວ, ມີເນື້ອໃນແຂ່ງຂັນລວມ6 ຂໍ້, ໄດ້ປະເພດ I ມີ 7,944 ຄອບຄົວ, ປະເພດ II ມີ 642 ຄອບຄົວ, ປະເພດ III ມີ 31 ຄອບຄົວ, ຂັ້ນບ້ານເຂົ້າຮ່ວມແຂ່ງຂັນທັງໝົດ 430 ບ້ານ, ມີ 19 ຂໍ້ແຂ່ງຂັນ, ໄດ້ປະເພດ I ມີ 318 ບ້ານ, ປະເພດ II ມີ 113 ບ້ານ, ປະເພດ III ມີ 1 ບ້ານ, ຂັ້ນເມືອງປະເພດບຸກຄົນມີພະນັກງານ-ລັດຖະກອນ ເຂົ້າຮ່ວມແຂ່ງຂັນ 8,053 ຄົນ, ມີ 7 ຂໍ້ແຂ່ງຂັນ, ໄດ້ປະເພດ I ມີ 3,168 ຄົນ, ປະເພດ II ມີ 1,120 ຄົນ, ປະເພດ III ມີ 42 ຄົວ, ປະເພດກົມກອງ 11 ເມືອງເຂົ້າຮ່ວມແຂ່ງຂັນ 275 ກົມກອງ, ມີ 9 ຂໍ້ແຂ່ງຂັນ, ໄດ້ປະເພດ I ມີ 246 ກົມກອງ, ປະເພດ II ມີ 39 ກົມກອງ, ປະເພດ III ມີ 16 ກົມກອງ, ຂັ້ນແຂວງ ປະເພດບຸກຄົນ ມີພະນັກງານ-ລັດຖະກອນເຂົ້າຮ່ວມແຂ່ງຂັນ 2,792 ຄົນ, ໄດ້ປະເພດ I ມີ 347 ຄົນ, ປະເພດ II ມີ 353 ຄົນ, ປະເພດ III ມີ 2,092 ຄົນ, ປະເພດພະແນກການ, ກົມກອງອ້ອມຂ້າງແຂວງ ເຂົ້າຮ່ວມແຂ່ງຂັນ 42 ກົມກອງ ມີ 11 ຂໍ້ແຂ່ງຂັນ, ໄດ້ປະເພດ I ມີ 10 ກົມກອງ, ປະເພດ II ມີ 16 ກົມກອງ, ປະເພດ III ມີ 16 ກົມກອງ, ການຍ້ອງຍໍຜົນງານ 5 ປີ ໃນບັ້ນແຂ່ງຂັນ ຮັກຊາດ ແລະ ພັດທະນາ ປະເພດກົມກອງ ແລະ ບຸກຄົນ ມີທັງໝົດ 8.310, ໃນນັ້ນ ຍ້ອງຍໍປະເພດຫຼຽນໃຫ້ແກ່ກົມກອງ 270 ກົມກອງ, ປະເພດບຸກຄົນ 8.047 ທ່ານ.

ນອກນັ້ນ ກອງປະຊຸມສະຫຼຸບຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບ ວຽກງານ 3 ສ້າງ ເຂົ້າສູ່ລວງເລິກຂອງແຂວງໄຊຍະບູລີ ຍັງໄດ້ຮັບຟັງການປະກອບຄໍາຄິດຄໍາເຫັນຈາກຄອບຄົວຕົວແບບດ້ານຕ່າງໆ, ພ້ອມທັງມີການປະດັບຫຼຽນ, ການຍ້ອງຍໍ-ຊົມເຊີຍ ບຸກຄົນ, ກົມກອງດີເດັ່ນ ແລະ ຍັງໄດ້ຮັບຟັງການໂອ້ລົມຈາກທ່ານ ພົງສະຫວັນ ສິດທະວົງ ເຈົ້າແຂວງໆໄຊຍະບູລີ ຕື່ມອີກ.

Hits: 0

Leave a Reply

Your email address will not be published. Required fields are marked *