ກະຊວງພາຍໃນ

Ministry of Home Affairs

ລັດຖະມົນຕີກະຊວງພາຍໃນ ພ້ອມດ້ວຍຄະນະ ລົງຊຸກຍູ້ ແລະ ຕິດຕາມວຽກງານຢູ່ ແຂວງຫຼວງພະບາງ

ວັນທີ 17 ມິຖຸນາ 2020 ທ່ານ ຄໍາໝັ້ນ ສູນວິເລີດ ກໍາມະການສູນກາງພັກ ລັດຖະມົນຕີກະຊວງພາຍໃນ ພ້ອມດ້ວຍຄະນະ ໄດ້ລົງຊຸກຍູ້ ແລະ ຕິດຕາມການເຄື່ອນໄຫວຈັດຕັ້ງປະຕິບັດວຽກງານຂະແໜງພາຍໃນ ຢູ່ທີ່ ແຂວງຫຼວງພະບາງ ໂດຍມີ ທ່ານ ສົມພອນ ສີອຸດົມພັນ ກໍາມະການພັກແຂວງ ຫົວໜ້າພະແນກພາຍໃນ ແຂວງຫຼວງພະບາງ ພ້ອມດ້ວຍຄະນະ  ໃຫ້ການຕ້ອນຮັບ.

ການລົງຊຸກຍູ້ ແລະ ຕິດຕາມການເຄື່ອນໄຫວວຽກງານ ຢູ່ແຂວງຫຼວງພະບາງຄັ້ງນີ້ ລັດຖະມົນຕີກະຊວງພາຍໃນ ໄດ້ຮັບຟັງການລາຍງານ ກ່ຽວກັບຜົນງານໃນການຈັດຕັ້ງປະຕິບັດວຽກງານ, ຂໍ້ສະດວກ ແລະ ຂໍ້ຄົງຄ້າງ ໃນໄລຍະຜ່ານມາ ແລະ ທິດທາງແຜນການເຄື່ອນໄຫວວຽກງານໃນຕໍ່ໜ້າ  ຈາກ ທ່ານ ສົມພອນ ສີອຸດົມພັນ ກໍາມະການພັກແຂວງ ຫົວໜ້າພະແນກພາຍໃນແຂວງຫຼວງພະບາງ  ພ້ອມດຽວກັນນັ້ນ ທ່ານ ຄໍາໝັ້ນ ສູນວິເລີດ ກໍາມະການສູນກາງພັກ ລັດຖະມົນຕີກະຊວງພາຍໃນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດ ໃນການຈັດຕັ້ງປະຕິບັດວຽກງານຂອງພະແນກພາຍໃນ ແຂວງຫຼວງພະບາງ ຍາດມາໄດ້ໃນໄລຍະຜ່ານມາ,  ພ້ອມທັງເນັ້ນໃຫ້ ຄະນະພະແນກ ສືບຕໍ່ຊີ້ນຳ-ນຳພາ ພະນັກງານ-ລັດຖະກອນ ເອົາໃຈໃສ່ເຄື່ອນໄຫວວຽກງານໃຫ້ ສຳເລັດຜົນຍິ່ງໃຫ່ຍກວ່າເກົ່າ  ແລະ ສືບຕໍ່ຄົ້ນຄວ້າແກ້ໄຂຂໍ້ຄົງຄ້າງຕ່າງໆໃຫ້ລຸລ່ວງ.

ໃນໂອກາດນີ້ ກະຊວງພາຍໃນໄດ້ມອບຄອມພິວເຕີ ຈໍານວນ 12ຊຸດ ແລະ ເຄື່ອງປີ່ນເຕີ ຈໍານວນ 12 ເຄື່ອງ ລວມມູນຄ່າທັງໝົດ 66.528.000 ກີບ ໃຫ້ແກ່ບັນດາຫ້ອງການພາຍໃນເມືອງຂອງແຂວງຫຼວງພະບາງ ໂດຍການໃຫ້ກຽດມອບຂອງ ທ່ານ ຄໍາໝັ້ນ ສູນວິເລີດ ກໍາມະການສູນກາງພັກ ລັດຖະມົນຕີກະຊວງພາຍໃນ ແລະ ໃຫ້ກຽດຮັບໂດຍ ທ່ານ ສົມພອນ ສີອຸດົມພັນ ກໍາມະການພັກແຂວງ ຫົວໜ້າພະແນກພາຍໃນແຂວງຫຼວງພະບາງ. ນອກນີ້, ທ່ານ ຄໍາໝັ້ນ ສູນວິເລີດ ພ້ອມດ້ວຍຄະນະ ຍັງໄດ້ລົງໄປຊຸກຍູ້, ຕິດຕາມ ແລະ ຢ້ຽມຢາມພື້ນຖານການຜະລິດ ກໍ່ຄື ການຄຸ້ມຄອງບໍລິຫານບ້ານ ຂອງອຳນາດການປົກຄອງ ບ້ານຈອມອອງ ເມືອງປາກແຊງ ແຂວງຫຼວງພະບາງ ທີ່ເປັນບ້ານ3ສ້າງ ຕື່ມອີກ.

Hits: 0

Leave a Reply

Your email address will not be published. Required fields are marked *