ກະຊວງພາຍໃນ

Ministry of Home Affairs

ພະນັກງານ-ລັດຖະກອນ ກົມສ່ວຍສາອາກອນ ແລະ ພະແນກສ່ວຍສາອາກອນນະຄອນຫຼວງວຽງຈັນ ໄດ້ຮັບບັດລັດຖະກອນ

ໃນວັນທີ 26 ມິຖຸນາ 2020 ທີ່ກົມສ່ວຍສາອາກອນ ກະຊວງການເງິນ ໄດ້ມີພິທີການມອບ-ຮັບ ບັດລັດຖະກອນ ໃຫ້ແກ່ ພະນັກງານ-ລັດຖະກອນ ກົມສ່ວຍສາອາກອນ ກະຊວງການເງິນ ແລະ ພະແນກສ່ວຍສາອາກອນນະຄອນຫຼວງວຽງຈັນ ຈຳນວນ 119 ທ່ານ, ໂດຍການເຂົ້າຮ່ວມເປັນປະທານ ຂອງ ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະກອນ ກະຊວງພາຍໃນ ແລະ ທ່ານ ກົງຄຳ ສິດທິວໍລະດາ ຮອງຫົວໜ້າກົມສ່ວຍສາອາກອນ ກະຊວງການເງິນ ມີ ຫົວໜ້າພະແນກ, ຮອງຫົວໜ້າພະແນກ  ແລະ ພະນັກງານ-ລັດຖະກອນ ຂອງ ກົມສ່ວຍສາອາກອນ ແລະ ພະແນກສ່ວຍສາອາກອນນະຄອນຫຼວງວຽງຈັນເຂົ້າຮ່ວມ.

ໃນທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະກອນໄດ້ໃຫ້ກຽດຂຶ້ນເຜີຍແຜ່ຄຳແນະນຳ ເລກທີ 06 ກ່ຽວກັບການອອກບັດລັດຖະກອນ ເພື່ອແນະນໍາໃຫ້ ພະນັກງານ-ລັດຖະກອນ ໄດ້ຮັບຮູ້ ແລະ ເຂົ້າໃຈຢ່າງຈະແຈ້ງ ກ່ຽວກັບການນຳໃຊ້ບັດ ແລະ ຂັ້ນຕອນການປັບປຸງຂໍ້ມູນໃຫ້ຖືກຕ້ອງຕາມລະບຽບການ. ການອອກບັດ ພະນັກງານ-ລັດຖະກອນ ແມ່ນເປັນການຢັ້ງຢືນ ແລະ ກວດກາບັນຊີ ຈໍານວນພົນພະນັກງານ-ລັດຖະກອນຜູ້ມີໜ້າ ຫຼື ບໍ່ມີໜ້າຕົວຈິງ ທັງເປັນການປັບປຸງຂໍ້ມູນປະຫວັດລັດຖະ ກອນ ໃຫ້ຖືກຕ້ອງ ແລະ ຫັນການຄຸ້ມຄອງພະນັກງານ-ລັດຖະກອນ ໃຫ້ສອດຄ່ອງຕາມກົດໝາຍ, ລະບຽບການ ແລະ ທັນສະໄໝ ເຮັດໃຫ້ການເບີກຈ່າຍເງິນເດືອນ, ເງິນອຸດໜູນ ແລະ ເງິນນະໂຍບາຍຕ່າງໆຖືກຕ້ອງຕາມຕົວຈິງ. ພ້ອມນີ້, ບັດພະນັກງານ-ລັດຖະກອນ ຍັງອຳນວຍສະດວກຫຼາຍຢ່າງ ເຊິ່ງສາມາດນຳໃຊ້  ແທນບັດປະກັນສັງຄົມ ແລະ ບັດເອທີເອັມ ໄດ້ໃນບັດດຽວ.

Hits: 0

Leave a Reply

Your email address will not be published. Required fields are marked *