ກະຊວງພາຍໃນ

Ministry of Home Affairs

ກະຊວງພາຍໃນ ມອບອຸປະກອນ ໃຫ້ພະແນກພາຍໃນແຂວງບໍ່ແກ້ວ ແລະ ຫຼວງນໍ້າທາ

ເພື່ອສ້າງເງື່ອນໄຂໃນການອໍານວຍຄວາມສະດວກໃນການຈັດຕັ້ງປະຕິບັດວຽກງານໃຫ້ມີຄວາມວ່ອງໄວ,  ສາ ມາດບໍລິການປະຊາຊົນ ກໍ່ຄື ສັງຄົມ ໄດ້ຕາມຄວາມຮຽກຮ້ອງຕ້ອງການ ແລະ ທົ່ວເຖິງ ລະຫວ່າງ  ວັນທີ 27-28 ກຸມພາ 2020 ຜ່ານມາ ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ໄດ້ລົງຊຸກຍູ້ການເຄື່ອນໄຫວຈັດຕັ້ງປະຕິບັດວຽກງານຂະແໜງພາຍໃນ ແລະ ມອບບັດພະນັກງານ-ລັດຖະກອນ ຢູ່ບັນດາແຂວງພາກເໜືອ ໃນໂອກາດດັ່ງກ່າວ ທ່ານລັດຖະມົນຕີກະຊວງງພາຍໃນ ໄດ້ຕາງໜ້າໃຫ້ຄະນະນໍາ ກໍ່ຄື ພະນັກງານ-ລັດຖະກອນ ກະຊວງພາຍໃນ ມອບຄອມພິວເຕີ ແລະ ປິ້ນເຕີ້ ໃຫ້ພະແນກພາຍໃນ ແຂວງບໍ່ແກ້ວ ແລະ ແຂວງຫຼວງນໍ້າທາ ແຂວງລະ 05 ຊຸດ ລວມທັງໝົດ 10 ຊຸດ ຄິດເປັນມູນຄ່າ 55.500.000 ກີບ ຕາງໜ້າພະແນກພາຍໃນແຂວງບໍ່ແກ້ວ ຮັບໂດຍ ທ່ານ ນ ດາວ ໄຊເສດຖາ ຫົວໜ້າ ພະແນກພາຍໃນແຂວງບໍ່ແກ້ວ ແລະ ຕາງໜ້າພະແນກພາຍໃນແຂວງຫຼວງນໍ້າທາ ແມ່ນ  ທ່ານ ສີສຸພັນ ທໍາປັນຍາ ຫົວໜ້າພະແນກພາຍໃນແຂວງຫຼວງນ້ຳທາ ພ້ອມດ້ວຍພະນັກງານ-ລັດຖະກອນ ຂອງພະແນກພາຍໃນສອງແຂວງດັ່ງກ່າວ ເຂົ້າຮ່ວມ.

ການມອບຄອມພິວເຕີໃຫ້ ພະແນກພາຍໃນຂອງແຂວງບໍ່ແກ້ວ ແລະ ແຂວງຫຼວງນ້ຳທາ ໃນຄັ້ງນີ້ ເພື່ອເຮັດໃຫ້ການເຄື່ອນໄຫວຈັດຕັ້ງປະຕິບັດວຽກງານຂະແໜງພາຍໃນ ໃຫ້ມີປະສິດທິພາບ ມີປະສິດທິຜົນ ແລະ ມີຄວາມເຂັ້ມແຂງ ເຮັດໃຫ້ສັງຄົມ ກໍ່ຄື ປະຊາຊົນລາວບັນດາເຜົ່າ ໄດ້ເຂົ້າເຖິງການບໍລິການຂອງຂະແໜງພາຍໃນ ໃຫ້ນັບມື້ນັບກວ້າງຂວາງຂຶ້ນ.

Hits: 74

Leave a Reply

Your email address will not be published. Required fields are marked *