ກະຊວງພາຍໃນ

Ministry of Home Affairs

ກອງປະຊຸມຈັດຕັ້ງຜັນຂະຫຍາຍເນື້ອໃນຈິດໃຈຂອງກອງປະຊຸມວຽກງານກວດກາ, ວຽກງານຈັດຕັ້ງ ແລະ ວຽກງານໂຄສະນາອົບຮົມທົ່ວປະເທດປະຈຳປີ 2019

ກະຊວງພາຍໃນ ໄດ້ຈັດກອງປະຊຸມຈັດຕັ້ງຜັນຂະຫຍາຍເນື້ອໃນຈິດໃຈຂອງກອງປະຊຸມວຽກງານກວດກາ, ວຽກງານຈັດຕັ້ງ ແລະ ວຽກງານໂຄສະນາອົບຮົມທົ່ວປະເທດ ປະຈຳປີ 2019  ຂຶ້ນ ໃນລະຫວ່າງວັນທີ 12-13 ມີນາ 2020 ໂດຍການເປັນປະທານຂອງ ທ່ານ ຄຳໝັ້ນ ສູນວິເລີດ ກຳມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງພາຍໃນ. ມີຄະ​ນະປະຈຳພັກ, ຄະນະ​​ບໍລິຫານງານພັກກະຊວງ, ຜູ້ຕາງໜ້າ​ຈາກ​ຄະນະ​ກວດກາ​ສູ​ນກາງ​ພັກ, ຄະນະໜ່ວຍ​ພັກ, ຄະນະຫ້ອງການ, ບັນດາ​ກົມ, ສະ​ຖາ​ບັນ, ສູນ, ສະມາຊິກພັກ ແລະ ພະນັກງານ ທີ່ ຮັບຜິດຊອບວຽກງານຈັດຕັ້ງ ວຽກງານກວດກາ ເຂົ້າຮ່ວມ.

ເອກະສານ​ທີ່ນຳ​ມາ​ເຜີຍ​ແຜ່​ ໃນກອງປະຊຸມຄັ້ງນີ້ ປະກອບ​ມີ: ​ບົດສະຫຼຸບຫຍໍ້ວຽກງານກວດກາທົ່ວປະເທດ ປະຈຳປີ 2019 ແລະ ຄາດໝາຍ ສູ້ຊົນ ປີ 2020 ຂອງຄະນະກວດກາສູນ​ກາງ​ພັກ ບົດ​ໂອ້​ລົມ​ຂອງ ທ່ານ ປອ ບຸນ​ທອງ ຈິດ​ມະນີ ກຳມະການ​ກົມ​ການ​ເມືອງ, ເລຂາທິການ​ສູນ​ກາງ​ພັກ, ຮອງ​ນາຍົກລັດຖະມົນຕີ, ປະ​ທານ​ຄະນະ​ກວດກາ​ສູນ​ກາ​ງພັກ ແລະ ອົງການ​ກວດກາ​ລັດຖະບານ ຕໍ່​ກອງ​ປະຊຸມ​ວຽກ​ງານ​ກວດກາທົ່ວ​ປະ​ເທດ ປະຈຳ​ປີ 2019 ບົດສະຫຼຸບວຽກງານກວດກາ ປະຈຳປີ 2019 ແລະ ທິດທາງແຜນການ ປີ 2020 ຂອງຄະນະກວດກາພັກກະຊວງ​ພາຍ​ໃນ ຂໍ້ກຳນົດຂອງ ຄະນະ​ກວດກາ​ສູ​ນກາງ​ພັກ ​ ວ່າດ້ວການຄົ້ນຄວ້າ, ແກ້ໄຂຄຳຟ້ອງ, ຮ້ອງທຸກ ແລະ ຄຳສະເໜີ ມະຕິຂອງກົມການ ເມືອງສູນກາງພັກ ວ່າດ້ວຍລະບອບການຮ່ຳຮຽນທິດສະດີການເມືອງ ແລະ ມະຕິວ່າດ້ວຍການສ້າງແຜນກໍ່ສ້າງ-ບຳລຸງພະນັກ ງານນຳພາ-ຄຸ້ມຄອງ ຂໍ້ກຳນົດ ຂອງຄະນະເລຂາທິການສູນກາງພັກ ວ່າດ້ວຍການຢັ້ງຢືນລະດັບທິດສະດີການເມືອງ ບົດສະຫຼຸບຕີລາຄາຈັດຕັ້ງປະຕິບັດວຽກງານຈັດຕັ້ງ, ກໍ່ສ້າງພັກ-ພະນັກງານ ແລະ ທິດທາງ ປີ 2020 ຂອງຄະນະຈັດຕັ້ງສູນກາງພັກ ແລະ ຂອງກະຊວງພາຍໃນ ບົດສະຫຼຸບຕີລາຄາວຽກງານໂຄສະນາອົບຮົມປະຈຳປີ 2018-2019 ແລະ ທິດທາງຈຸດສຸມປີ 2020 ນອກຈາກນັ້ນ ຍັງມີເອກະສານກ່ຽວກັບການປ້ອງກັນການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ຫຼື COVID-19 ຕື່ມອີກ.

​ໃນ​ຕອນ​ທ້າຍ​ຂອງ​ກອງ​ປະຊຸມ ທ່ານ ຄຳໝັ້ນ ສູນວິເລີດ ກຳມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງພາຍໃນ ໄດ້ໃຫ້ກຽດມີຄຳເຫັນໂອ້ລົມຕໍ່ກອງປະຊຸມ ຊຶ່ງທ່ານໄດ້ຮຽກຮ້ອງໃຫ້ບັນດາສະຫາຍຄະ​ນະ​​ບໍລິຫານງານພັກກະຊວງ, ຄະນະ​ໜ່ວຍ​ພັກ, ຄະນະຫ້ອງການ, ບັນດາ​ກົມ, ສະ​ຖາ​ບັນ, ສູນ ແລະ ສະມາຊິພັກ, ພະນັກງານຫຼັກແຫຼ່ງ ຂອງ​ຫ້ອງ​ການ​, ບັນດາ​ກົມ, ສະ​ຖາ​ບັນ ແລະ ສູນ ຕ້ອງ​ໄດ້ກຳເເໜ້ນ, ເຂົ້າໃຈຢ່າງເລິກເຊິ່ງ ​ແລະ ນຳເອົາເນື້ອໃນຈິດໃຈຂອງກອງປະຊຸມຄັ້ງນີ້ ເປັນ​ບ່ອນ​ອີງໃນ​ການ​ຊີ້​ນຳ-ນຳພາ​ຈັດ​ຕັ້ງປະຕິບັດໃຫ້ປະກົດຜົນເປັນຈິງ  ເພື່ອ​ປະກອບສ່ວນໃນການປັບປຸງກໍ່ສ້າງພັກ-ພະນັກງານ, ການກໍ່ສ້າງໜ່ວຍພັກໃຫ້ປອດໃສ, ເຂັ້ມແຂງ, ໜັກແໜ້ນ ທັງເປັນການຍົກສູງບົດບາດການນຳພາຂອງພັກ, ຄວາມຮັບຜິດຊອບໃນການຄຸ້ມຄອງລັດດ້ວຍກົດໝາຍ ​ ​ແລະ ພ້ອມ​ກັນການ​ສືບ​ຕໍ່ສູ້​ຊົນ​ຈັດ​ຕັ້ງ​ປະຕິບັດ​ບັນດາ​ຄາດໝາຍທີ່​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ ​ແລະ ກອງ​ປະຊຸມ​ໃຫຍ່​ຄັ້ງ​ທີ I ຂອງ​ອົງຄະ​ນະ​ພັກ​ກະຊວງ​ພາຍ​ໃນ ໄດ້ກຳນົດໄວ້.​ ການຈັດກອງປະຊຸມຄັ້ງນີ້ ໃຫ້ ຄະນະພັກ ກະຊວງ, ຄະນະໜ່ວຍພັກ ຫ້ອງການ, ບັນດາກົມ, ສະຖາບັນ ແລະ ສູນ ເຂົ້າໃຈກຳໄດ້ເນື້ອໃນ ແລະ ພ້ອມກັນນຳໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງໃຫ້ເປັນຮູບປະທຳ ແລະ ເຮັດໃຫ້ການຕິດຕາມກວດກາ ສະກັດກັ້ນ ແລະ ຕ້ານການສໍ້ລາດບັງຫຼວງ ແລະ ວຽກງານຈັດຕັ້ງ ກໍ່ສ້າງພະນັກງານ ຂອງ ຂະແໜງພາຍໃນສືບຕໍ່ຈັດຕັ້ງປະຕິບັດໄດ້ຢ່າງແຂງແຮງ

Hits: 0

Leave a Reply

Your email address will not be published. Required fields are marked *