ກະຊວງພາຍໃນ

Ministry of Home Affairs

ກະຊວງພາຍໃນ ມອບຜ້າປິດປາກ-ດັງ ແລະ ນໍ້າຢາລ້າງມື ໃຫ້ແກ່ ພະນັກງານ-ລັດຖະກອນ

ເພື່ອຕ້ານ ແລະ ສະກັດກັ້ນການແຜ່ລະບາດພະຍາດປອດອັກເສບ ຍ້ອນເຊື້ອຈຸລະໂຣກສາຍພັນໃໝ່ COVID-19 ຄະນະພັກ-ຄະນະນໍາ ກະຊວງພາຍໃນ ໄດ້ມີຄວາມເອົາໃຈສູງໃນການຕ້ານ, ສະກັດກັ້ນພະຍາດດັ່ງກ່າວ ແລະ ມີຄວາມເປັນຫ່ວງເປັນໃຍຕໍ່ສຸຂະພາບ ຂອງພະນັກງານ-ລັດຖະກອນ ກະຊວງພາຍໃນ ເປັນສຳຄັນ,  ໃນຕອນເຊົ້າ ຂອງວັນທີ 27 ມີນາ 2020 ກະຊວງພາຍໃນ  ໄດ້ມີການມອບຜ້າປິດປາກ-ດັງ ແລະ ນໍ້າຢາລ້າງມື ໃຫ້ແກ່ ພະນັກງານ-ລັດຖະກອນ ທົ່ວກະຊວງພາຍໃນ ຊຶ່ງຕາງໜ້າຄະນະພັກ-ຄະນະນໍາກະຊວງ ໂດຍ ທ່ານ ສິງທະວອນ ດາລາວົງ ຫົວໜ້າຫ້ອງການ ກະຊວງພາຍໃນ ແລະ ຕາງໜ້າຄະນະບໍລິຫານງານ 03 ອົງການຈັດຕັ້ງມະຫາຊົນ ກະຊວງພາຍໃນ ໄດ້ມອບຜ້າປິດປາກ-ດັງ ຈຳນວນ 5,050 ອັນ ແລະ ນໍ້າຢາລ້າງມື ຈຳນວນ 20 ກ່ອງ ໃຫ້ແກ່ຕາງໜ້າ 03 ອົງການຈັດຕັ້ງມະຫາຊົນ ຂອງຫ້ອງການ, ບັນດາກົມ, ສະຖາບັນ ແລະ ສູນ ເພື່ອນຳໄປແຈກຢາຍໃຫ້ ພະນັກງານ-ລັດຖະກອນ ກໍ່ຄືສະມາຊິກ 03 ອົງການຈັດຕັ້ງມະຫາຊົນ ຂອງແຕ່ລະພາກສ່ວນ, ເຊິ່ງການມອບຜ້າປິດປາກ-ດັງ ແລະ ນໍ້າຢາລ້າງມື ໃນຄັ້ງນີ້ ກໍ່ເພື່ອການຊຸກຍູ້ ໃຫ້ ພະນັກງານ-ລັດຖະກອນ ເປັນເຈົ້າການ ແລະ ມີສະຕິ ໃນການປ້ອງກັນຕົວເອງ ເພື່ອຕ້ານ ແລະ ສະກັດກັ້ນການແຜ່ລະບາດພະຍາດດັ່ງກ່າວ ແລະ ຮັກສາສຸຂະພາບຕົນເອງໃຫ້ແຂງແຮງຢູ່ສະ ເໝີ.

Hits: 0

Leave a Reply

Your email address will not be published. Required fields are marked *