ກະຊວງພາຍໃນ

Ministry of Home Affairs

ກອງປະຊຸມເຜີຍແຜ່ເຊື່ອມຊືມດໍາລັດຂອງລັດຖະບານວ່າດ້ວຍການແຂ່ຂັນ ແລະ ຍ້ອງຍໍ ແລະ ຄໍາແນະນໍາ ຂອງກະຊວງພາຍໃນ ກ່ຽວກັບ ການຈັດຕັ້ງປະຕິບັດດໍາລັດວ່າດ້ວຍການແຂ່ງຂັນ ແລະ ຍ້ອງຍໍ

ພະແນກພາຍໃນແຂວງຄໍາມ່ວນ ໄດ້ຈັດກອງປະຊຸມເຜີຍແຜ່ເຊື່ອມຊືມດໍາລັດຂອງລັດຖະບານວ່າດ້ວຍການແຂ່ງຂັນ ແລະ ຍ້ອງຍໍ ແລະ ຄໍາແນະນໍາ ຂອງກະຊວງພາຍໃນ ກ່ຽວກັບ ການຈັດຕັ້ງປະຕິບັດດໍາລັດວ່າດ້ວຍການແຂ່ງຂັນ ແລະ ຍ້ອງຍໍ ຂື້ນໃນວັນທີ່ 30 ມັງກອນ 2020 ທີ່ຫ້ອງປະຊຸມຫ້ອງວ່າການແຂວງຄໍາມ່ວນ ໂດຍການເປັນປະທານຮ່ວມຂອງ ທ່ານ ແກ້ວດາວົງ ໄຊຍະແສງ ຫົວໜ້າພະແນກພາຍໃນແຂວງຄໍາມ່ວນ ແລະ ທ່ານ ເຢລໍ່ ເຈ່ຍວ່າ ຫົວໜ້າກົມແຂ່ງຂັນ ແລະ ຍ້ອງຍໍ ກະຊວງພາຍໃນ ມີບັນດາທ່ານໃນຄະນະພະແນກ, ຕາງໜ້າພະແນກການອ້ອມຂ້າງແຂວງ ແລະ ຂະແໜງການກ່ຽວຂ້ອງຂັ້ນເມືອງທົ່ວແຂວງ ເຂົ້າຮ່ວມ.

ການຈັດເຜີຍແຜ່ເຊື່ອມຊຶມເອກະສານດັ່ງກ່າວ ແມ່ນເປັນການຍົກລະດັບຄວາມຮັບຮູ້ ຄວາມເຂົ້າໃຈ ໃຫ້ແກ່ບັນດາພາກສ່ວນອົງການຈັດຕັ້ງທຸກຂັ້ນພາຍໃນແຂວງຄໍາມ່ວນ ໂດຍສະເພາະຂະແໜງການທີ່ກ່ຽວຂ້ອງຂອງແຂວງ ແລະ ເມືອງ ເພື່ອເປັນບ່ອນອີງໃນການຈັດຕັ້ງປະຕິບັດໃຫ້ມີຄວາມຖືກຕ້ອງສອດຄ່ອງຕາມລະບຽບການ ແລະ ຂັ້ນຕອນຢ່າງເປັນລະບົບ ເຮັດໃຫ້ວຽກງານດັ່ງກ່າວໄດ້ຮັບການຈັດຕັ້ງຢ່າງມີປະສິດທິຜົນ.          ດໍາລັດວ່າດ້ວຍການແຂ່ງຂັນ ແລະ ຍ້ອງຍໍ ໄດ້ກໍານົດຫຼັກການລະບຽບການ ແລະ ມາດຕະການ ໃນການຄຸ້ມຄອງ, ຕິດຕາມ, ກວດກາການເຄື່ອນໄຫວວຽກງານແຂ່ງຂັນ ແລະຍ້ອງຍໍ ເພື່ອເຮັດໃຫ້ວຽກງານດັ່ງກ່າວໄດ້ຮັບການຈັດຕັ້ງປະຕິບັດຢ່າງມີປະສິດທິພາບ, ປະສິດທິຜົນ ແລະ ມີຄວາມເປັນເອກະພາບໃນຂົງເຂດທົ່ວເທດ ພ້ອມທັງແນ່ໃສ່ສ້າງເງື່ອນໄຂຊຸກຍູ້ສົ່ງເສີມຫົວຄິດປະດິດສ້າງຂອງບຸກຄົນ, ນິຕິບຸກຄົນ ແລະ ການຈັດຕັ້ງ ເຂົ້າຮ່ວມໃນການວຽກງານແຂ່ງຂັນ-ຍ້ອງຍໍ ໃຫ້ເປັນຂະບວນກວ້າງຂວາງ.

Leave a Reply

Your email address will not be published. Required fields are marked *