ກະຊວງພາຍໃນ

Ministry of Home Affairs

ພິທີມອບຫຼຽນກາແຮງງານ ໃຫ້ແກ່ຊ່ຽວຊານຍີ່ປຸ່ນ

ວັນທີ 5 ພະຈິກ 2019 ກະຊວງພາຍໃນ ໄດ້ຈັດພິທີມອບຫຼຽນກາແຮງງານໃຫ້ແກ່ທ່ານ ໂນະຣິຮິໂກະ ຢາມາດະ (Mr.Norihiko YAMADA) ຊ່ຽວຊານດ້ານການປົກຄອງ ຈາກສະຖາບັນພັດທະນາເສດຖະກິດ (IDE-JETRO) ປະເທດຍີ່ປຸ່ນ ທີ່ມາປະຈໍາການເປັນຊ່ຽວຊານຢູ່ ກະຊວງພາຍໃນ ພາຍໃຕ້ໂຄງການ “ປັບປຸງລະບົບການປົກຄອງທ້ອງຖິ່ນ ຢູ່ ສປປ ລາວ”, ໂດຍການໃຫ້ກຽດມອບຂອງທ່ານ ສີພຸກ ວົງພັກດີ ຮອງລັດຖະມົນຕີກະຊວງພາຍໃນ, ມີບັນດາຄະນະຫ້ອງການ, ບັນດາກົມ, ສະຖາບັນ ແລະ ສູນ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.

          ທ່ານ ສີພຸກ ວົງພັກດີ ໄດ້ຕາງໜ້າໃຫ້ຄະນະພັກ-ຄະນະນໍາກະຊວງ ສະແດງຄວາມຂອບໃຈຕໍ່ທ່ານ ໂນະຣິຮິໂກະ ຢາມາດະ ທີ່ເຫັນໄດ້ຄວາມສໍາຄັນຂອງວຽກງານການປົກຄອງ ຢູ່ໃນ ສປປ ລາວ ໂດຍໄດ້ມາຊ່ວຍຄົ້ນຄວ້າກ່ຽວກັບວຽກງານດັ່ງກ່າວຊຶ່ງ ຜົນງານ ແລະ ການຊ່ວຍເຫຼືອໃນຄັ້ງນີ້ມີຄວາມສໍາຄັນຢ່າງຍິ່ງ ຕໍ່ການຈັດຕັ້ງປະຕິບັດວຽກງານຂອງກະຊວງພາຍໃນ ມີຜົນສໍາເລັດ ໂດຍສະເພາະແມ່ນໄດ້ເຮັດໃຫ້ການຈັດຕັ້ງປະຕິບັດໂຄງການຄົ້ນຄວ້າການປົກຄອງ ແລະ ວຽກງານຄົ້ນຄວ້າການປົກຄອງທ້ອງຖິ່ນ ໃນ ສປປ ລາວ ໄດ້ຮັບຜົນສໍາເລັດຕາມລະດັບຄາດໝາຍ ແລະ ທັນຕາມເວລາທີ່ກໍານົດໄວ້.

          ນອກຈາກນີ້ ໃນການມາປະຈໍາການຢູ່ ສປປ ລາວ ກໍຄື ກະຊວງພາຍໃນ ທ່ານ ໂນະຣິຮິໂກະ ຢາມາດະ ຍັງໄດ້ປະກອບສ່ວນທຶນສ່ວນຕົວເພື່ອຊ່ວຍເຫຼືອໃນການລົງເກັບກໍາຂໍ້ມູນໂຄງການຄົ້ນຄວ້າການປົກຄອງ ໃນ ສປປ ລາວ, ການລົງເກັບກໍາຂໍ້ມູນໂຄງການຄົ້ນຄວ້າການປົກຄອງທ້ອງຖິ່ນ ແລະ ຂຽນປຶ້ມປະຫວັດການປົກຄອງ ຂອງ ສປປ ລາວ ແຕ່ປີ 1975 ຮອດປັດຈຸບັນ ເພື່ອເປັນຂໍ້ມູນໃຫ້ແກ່ການຄົ້ນຄວ້າວຽກງານການປົກຄອງຂອງ ກະຊວງພາຍໃນ ລວມມູນຄ່າທັງໝົດ 47.100.000 ກີບ ແລະ 5.500 USD (ໂດລາສະຫະລັດອາເມຣິກາ).

Leave a Reply

Your email address will not be published. Required fields are marked *