ກະຊວງພາຍໃນ

Ministry of Home Affairs

ພະແນກພາຍໃນ ແຂວງອຸດົມໄຊ ທົບທວນຄືນ ການຈັດຕັ້ງປະຕິບັດວຽກງານປະເມີນຜົນລັດຖະກອນ ປະຈໍາປິ 2018

ເພື່ອເປັນການທົບທວນຄືນການຈັດຕັ້ງປະຕິບັດວຽກງານປະເມີນຜົນລັດຖະກອນ ຕາມດໍາລັດ ສະບັບ ເລກທີ 300/ລບ, ລົງວັນທີ 13 ກັນຍາ 2017 ໃຫ້ປະກົດຜົນເປັນຈິງ ແລະ ເຂົ້າສູ່ລວງເລິກ, ໃນຕອນເຊົ້້າຂອງວັນທີ 16 ຕຸລາ 2019 ທີ່ຜ່ານມາ ພະແນກພາຍໃນແຂວງອຸດົມໄຊ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານປະເມີນຜົນລັດຖະກອນ ປະຈໍາປີ 2018 ທີ່ຫ້ອງປະຊຸມຫ້ອງວ່າການແຂວງ ພາຍໃຕ້ການເປັນປະທານຂອງທ່ານ ນາງ ຈັນສະໝອນ ທິບພະຫົງ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ມີບັນດາຫົວໜ້າ, ​ຮອງຫົວໜ້າພະແນກການ, ອົງການ, ຫົວໜ້າ-ຮອງຫົວໜ້າຫ້ອງການພາຍໃນເມືອງ, ພະນັກງານວິຊາການ ຜູ້ທີ່ຮັບຜິດຊອບວຽກງານ ຈັດຕັ້ງ-ພະນັກງານ ຂັ້ນແຂວງ ແລະ ພະນັກງານວິຊາການ ພະແນກພາຍໃນ ເຂົ້າຮ່ວມ.ມີບັນດາຫົວໜ້າ, ​ຮອງຫົວໜ້າພະແນກການ, ອົງການ, ຫົວໜ້າ-ຮອງຫົວໜ້າຫ້ອງການພາຍໃນເມືອງ, ພະນັກງານວິຊາການ ຜູ້ທີ່ຮັບຜິດຊອບວຽກງານ ຈັດຕັ້ງ-ພະນັກງານ ຂັ້ນແຂວງ ແລະ ພະນັກງານວິຊາການ ພະແນກພາຍໃນ ເຂົ້າຮ່ວມ. ມີບັນດາຫົວໜ້າ, ​ຮອງຫົວໜ້າພະແນກການ, ອົງການ, ຫົວໜ້າ-ຮອງຫົວໜ້າຫ້ອງການພາຍໃນເມືອງ, ພະນັກງານວິຊາການ ຜູ້ທີ່ຮັບຜິດຊອບວຽກງານ ຈັດຕັ້ງ-ພະນັກງານ ຂັ້ນແຂວງ ແລະ ພະນັກງານວິຊາການ ພະແນກພາຍໃນ ເຂົ້າຮ່ວມ.

ທ່ານ ນາງ ສົມລີ ສີອ່ອນຕາ ຮອງຫົວໜ້າພະແນກພາຍໃນແຂວງອຸດົມໄຊ ໄດ້ຂຶ້ນລາຍງານສະພາບການຈັດຕັ້ງປະຕິບັດວຽກງານປະເມີນຜົນ ປະຈໍາປີ 2018 ຕໍ່ກອງປະຊຸມວ່າ:  ຜ່ານການຈັດຕັ້ງປະຕິບັດວຽກງານປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ໃນໄລຍະ 01 ປີ ຜ່ານມາ ບັນດາພະແນກການ, ອົງການຂັ້ນແຂວງ ແລະ ບັນດາເມືອງພາຍໃນແຂວງອຸດົມໄຊ ໄດ້ເອົາໃຈໃສ່ ແລະ ເຫັນໄດ້ຄວາມໝາຍ, ​ຄວາມສໍາຄັນຂອງການປະເມີນຜົນລັດຖະກອນ ຊຶ່ງໄດ້ປະຕິບັດວຽກງານ ຕາມຫຼັກການ, ຂັ້ນຕອນຢ່າງເຂັ້ມງວດ ບົນພື້ນຖານລະບຽບການ, ຖືກຕ້ອງສອດຄ່ອງທາງດ້ານເນື້ອໃນ ແລະ ການປະກອບສໍານວນເອກະສານຕ່າງໆທີ່ໄດ້ກໍານົດໄວ້ ພ້ອມທັງຮັບປະກັນຄວາມໂປ່ງໃສ່, ຍຸຕິທໍາ ແລະ ກວດສອບໄດ້ ເພື່ອນໍາເອົາຜົນຂອງການປະເມີນຜົນໄປນໍາໃຊ້ເຂົ້າໃນການວາງແຜນບຸກຄະລາກອນ, ຝຶກອົບຮົມ, ພັດທະນາລັດຖະກອນ, ປະຕິບັດນະໂຍບາຍຍ້ອງຍໍ ແລະ ວາງມາດຕະການຕໍ່ຜູ້ທີ່ລະເມີດລະບຽບວິໄນຢ່າງເຂັ້ມງວດ. ນອກຈາກນີ້, ຜູ້ເຂົ້າຮ່ວມກອງປະຊຸມຍັງໄດ້ລາຍງານສະພາບການຈັດຕັ້ງປະຕິບັດວຽກງານການປະເມີນຜົນລັດຖະກອນຂອງຂະແໜງການຕົນ ພ້ອມທັງປະກອບຄໍາຄິດເຫັນຕໍ່ກອງປະຊຸມດ້ວຍບັນຍາກາດຝົດຝືນສ້າງສັນ ເຊິ່ງໄດ້ຍົກໃຫ້ເຫັນຜົນງານ, ຂໍ້ຫຍຸ້ງຍາກ, ບົດຮຽນທີ່ຖອດຖອນໄດ້ ແລະກໍານົດທິດທາງແຜນການໃນຕໍ່ໜ້າຂອງຂະແໜງການທີ່ຕົນຮັບຜິດຊອບ.

ໃນຕ້ອນທ້າຍຂອງກອງປະຊຸມທ່ານ ນາງ ຈັນສະໝອນ ທິບພະຫົງ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ໂອ້ລົມຕໍ່ກອງປະຊຸມ ໂດຍໄດ້ເນັ້ນໜັກໃຫ້ບັນດາພະແນການການ, ອົງການ ແລະ ບັນດາເມືອງໃຫ້ເອົາໃຈໃສ່ປະຕິບັດວຽກງານປະເມີນຜົນລັດຖະກອນດ້ວຍຄວາມຮັບຜິດຊອບສູງ ເພື່ອເຮັດໃຫ້ການປະເມີນຜົນລັດຖະກອນເປັນບ່ອນອີງໃນການຄັດເລືອກບຸກຄະລາກອນທີ່ດີເດັ່ນເປັນແບບຢ່າງໃຫ້ແກ່ພະນັກງານ-ລັດຖະກອນ ແລະການຈັດຕັ້ງໃນການການວາງແຜນບຸກຄະລາກອນ, ພັດທະນາລັດຖະກອນ, ປະຕິບັດນະໂຍບາຍຍ້ອງຍໍຕ່າງໆຕາມຄວາມ ເໝາະສົມ.

Leave a Reply

Your email address will not be published. Required fields are marked *