ກະຊວງພາຍໃນ

Ministry of Home Affairs

ກະຊວງພາຍໃນ ມອບບັດສະມາຊິກພັກສົມບູນ ຊຸດທີ IV

1 min read

ເພື່ອເປັນການຢັ້ງຢືນໃຫ້ສະມາຊິກພັກສົມບູນທີ່ມີຄວາມຈົ່ງຮັກພັກດີຕໍ່ພັກ, ມີມາດຖານເງື່ອນໄຂຖືກຕ້ອງ ແນ່ໃສ່ເຮັດໃຫ້ສະມາຊິກພັກແຕ່ລະສະຫາຍຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກສົມບູນທີ່ດີເດັ່ນຂອງພັກ ເຮັດໃຫ້ພັກມີຄວາມປອດໃສ, ເຂັ້ມແຂງ ແລະ ໜັກແໜ້ນ ກະຊວງພາຍໃນ ຈຶ່ງຈັດພິທີມອບບັດໃຫ້ສະມາຊິກພັກສົມບູນ ທີ່ຂຶ້ນກັບອົງຄະນະພັກກະຊວງພາຍໃນ ຊຸດທີ IV ໃນວັນທີ 2 ຕຸລາ 2019 ໂດຍການມອບຂອງທ່ານ ສີພຸກ ວົງພັກດີ ຄະນະພັກກະຊວງ ຮອງລັດຖະມົນຕີກະຊວງພາຍໃນ, ມີບັນດາຄະນະນໍາກະຊວງ, ຕາງໜ້າໜ່ວຍພັກ ແລະ ຕາງໜ້າຈາກ 3 ອົງການຈັດຕັ້ງມະຫາຊົນ ພ້ອມດ້ວຍສະມາຊິພັກທີ່ມີລາຍຊື່ຮັບບັດເຂົ້າຮ່ວມ.

ທ່ານ ສີພຸກ ວົງພັກດີ ໄດ້ກ່າວວ່າ: ພັກປະຊາຊົນລາວ ນັບແຕ່ໄດ້ຮັບການສ້າງຕັ້ງຂຶ້ນເປັນຕົ້ນມາ ກໍໄດ້ທຸມເທສະຕິປັນຍາເຂົ້າໃນການນໍາພາປະຊາຊົນບັນດາເຜົ່າປະຕິບັດ 2 ໜ້າທີ່ຍຸດທະສາດທີ່ສໍາຄັນຄື ປົກປັກຮັກສາ ແລະ ສ້າງສາປະເທດຊາດ ຈົນສາມາດເຮັດສໍາເລັດພາລະກິດປົດປ່ອຍຊາດ ແລະ ຍັງສືບຕໍ່ດໍາເນີນພາລະກິດປ່ຽນແປງໃໝ່ຢ່າງຮອບດ້ານທີ່ມີຫຼັກໝັ້ນຂອງພັກ, ພັກເຮົາຍາມໃດກໍຍຶດໝັ້ນລັກສະນະຊົນຊັ້ນ, ເຄົາລົບ ແລະ ປະຕິບັດບັນດາຫຼັກການທິດນໍາກໍ່ສ້າງພັກທີ່ໄດ້ກໍານົດໄວ້ຢ່າງເຂັ້ມງວດ, ຍົກສູງຄວາມສາມາດນໍາພາ ແລະລັກສະນະນໍາໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຍຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັັດທະນາປະເທດຊາດຕາມທິດຍືນຍົງ ສູ່ຈຸດໝາຍສັງຄົມນິຍົມຢ່າງໜັກແໜ້ນ. ການມອບບັດສະມາຊິກພັກສົມບູນຍັງເປັນການຄຸ້ມຄອງສະມາຊິກພັກທາງດ້ານຈໍານວນ ແລະ ຄຸນນະພາບໃຫ້ເປັນເອກະພາບໃນທົ່ວພັກເຮັດໃຫ້ອົງຄະນະພັກກະຊວງ ສາມາດຕິດຕາມກວດກາສະມາຊິກພັກໄດ້ງ່າຍ, ຄຸ້ມຄອງການຈັດຕັ້ງພັກ ແລະ ປ້ອງກັນພັກໃຫ້ດີຂຶ້ນ, ສະກັດກັ້ນບໍ່ໃຫ້ກຸ່ມຄົນບໍ່ດີສວຍໃຊ້ໂອກາດປອມແປງ, ເລັດລອດເຂົ້າໃນຖັນແຖວສະມາຊິກພັກ ແລະ ອົງການນໍາຂອງພັກ; ສະມາຊິກພັກສົມບູນທີ່ໄດ້ຮັບບັດໃນຄັ້ງນີ້ມີທັງໝົດ 29 ສະຫາຍ ຍິິງ 5 ສະຫາຍ.

Leave a Reply

Your email address will not be published. Required fields are marked *