ກະຊວງພາຍໃນ

Ministry of Home Affairs

ກອງປະຊຸມເຜີຍແຜ່ເຊື່ອມຊຶມບັນດານິຕິກຳ ກ່ຽວກັບການກະກຽມ ກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ

1 min read

ໃນວັນທີ 03 ກັນຍາ 2019  ກະຊວງພາຍໃນ ໄດ້ຈັດກອງປະຊຸມເຜີຍແຜ່ເຊື່ອມຊຶມ ບັນດານິຕິກຳ ກ່ຽວກັບການກະກຽມກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ ໂດຍການເປັນ ປະທານຂອງ ທ່ານ ນ. ຄຳພູນ ແກ້ວສະຫວັນ ປະທານສະຫະພັນແມ່ຍິງ ກະຊວງພາຍໃນ ມີ ທ່ານ ນ. ທອງຈັນ ແກ້ວແສນຫອມ ຄະນະພັກ ກະຊວງ ຜູ້ຊີ້ນຳວຽກງານອົງການຈັດຕັ້ງສະຫະພັນແມ່ຍິງ ກະຊວງພາຍໃນ, ມີບັນດາຄະນະບໍລິຫານງານສະຫະພັນແມ່ຍິງ , ຄະນະໜ່ວຍສະຫະພັນແມ່ຍິງ ກະຊວງພາຍໃນ ພ້ອມດ້ວຍບັນດາເອື້ອຍນ້ອງສະມາຊິກແມ່ຍິງກະຊວງພາຍໃນ ເຂົ້າຮ່ວມ.

       ຈຸດປະສົງຂອງກອງປະຊຸມ ແມ່ນເພື່ອເຜີຍແຜ່ເຊື່ອມຊຶມບັນດານິຕິກຳກ່ຽວກັບການກະກຽມກອງປະຊຸມໃຫ່ຍຄັ້ງທີ II ຂອງ ສະຫະພັນແມ່ຍິງ ກະຊວງພາຍໃນ ໃຫ້ແກ່ບັນດາຄະນະໜ່ວຍສະຫະພັນແມ່ຍິງກະຊວງ, ເອື້ອຍນ້ອງສະມາຊິກແມ່ຍິງ ກະຊວງພາຍໃນ ເພື່ອຮັບຮູ້, ເຂົ້າໃຈ ແລະ ກຳໄດ້ເຖິງບັນດານິຕິກຳທີ່ສຳຄັນດັ່ງກ່າວ ຢ່າງເລິກເຊິ່ງ. ໃນກອງປະຊຸມຄັ້ງນີ້ ຜູ້ເຂົ້າຮ່ວມຈະໄດ້ຮັບຟັງການເຜີຍແຜ່ບັນດານິຕິກຳທີ່ສຳຄັນຄື: ຄຳແນະນຳຂອງປະທານຄະນະບໍລິຫານງານສູນກາງສະຫະພັນແມ່ຍິງລາວວ່າດ້ວຍການກະກຽມຈັດຕັ້ງດຳເນີນກອງປະຊຸມໃຫ່ຍຜູ້ແທນແມ່ຍິງ ກະຊວງ-ອົງການ ແລະ ແຂວງ-ນະຄອນຫຼວງ, ເມືອງ ແລະ ຮາກຖານ; ມາດຕະຖານຂອງຜູ້ທີ່ຈະເປັນປະທານສະຫະພັນແມ່ຍິງກະຊວງ-ອົງການ;  ຂໍ້ຕົກລົງວ່າດ້ວຍການອະນຸມັດ ແລະ ແຕ່ງຕັ້ງ ຄະນະຮັບຜິດຊອບຈັດກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ; ຂໍ້ກຳນົດການແບ່ງຄວາມຮັບຜິດຊອບຂອງຄະນະອະນຸກຳມະການ ກະກຽມກອງປະຊຸມການກະກຽມກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ, ຈາກນັ້ນ ບັນດາເອື້ອຍນ້ອງສະມາຊິກແມ່ຍິງ ກໍ່ໄດ້ປຶກສາຫາລື, ປະກອບຄຳຄິດຄຳເຫັນຮ່ວມກັນ ກ່ຽວກັບການກະກຽມກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ  , ໃນຕອນທ້າຍຂອງກອງປະຊຸມດັ່ງກ່າວ ຜູ້ເຂົ້າຮ່ວມຍັງໄດ້ຮັບຟັງການໂອ້ລົມຂອງ ທ່ານ ນ. ທອງຈັນ ແກ້ວແສນຫອມ ຄະນະພັກ ກະຊວງ ຜູ້ຊີ້ນຳວຽກງານອົງການຈັດຕັ້ງສະຫະພັນແມ່ຍິງ ກະຊວງພາຍໃນ  ເຊິ່ງທ່ານ ໄດ້ເນັ້ນໜັກໃຫ້ ບັນດາເອື້ອຍນ້ອງສະມາຊິກແມ່ຍິງທຸກທ່ານ ໂດຍສະເພາະ ຜູ້ທີ່ຖືກແຕ່ງຕັ້ງ ຈົ່ງນຳເອົາບັນດານິຕິກຳທີ່ໄດ້ເຜີຍແຜ່ໃນຄັ້ງນີ້ ໄປຄົ້ນຄວ້າຢ່າງເລິກເຊິ່ງ ເພື່ອນຳໄປຈັດຕັ້ງຜັນຂະຫຍາຍໃນການປະຕິບັດວຽກງານໃຫ້ສອດຄ່ອງກັບໜ້າທີ່ ທີ່ໄດ້ຖືກມອບໝາຍ ແລະ ຮຽກຮ້ອງໃຫ້ ເອື້ອຍນ້ອງສະມາຊິກແມ່ຍິງທຸກທ່ານ ຈົ່ງພ້ອມກັນເອົາໃຈໃສ່ປະກອບສ່ວນ, ມີສ່ວນຮ່ວມຢ່າງຕັ້ງໜ້າ ເພື່ອໃຫ້ການກະກຽມກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ໃຫ້ມີຄວາມພ້ອມຮອບດ້ານ ແລະ ທັນຕາມແຜນທີ່ໄດ້ກຳນົດໄວ້

Leave a Reply

Your email address will not be published. Required fields are marked *