ກະຊວງພາຍໃນ

Ministry of Home Affairs

ກອງປະຊຸມຄະນະຮັບຜິດຊອບກະກຽມກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ

ໃນຕອນເຊົ້າຂອງ ວັນທີ 30 ສິງຫາ 2019  ກະຊວງພາຍໃນ ໄດ້ຈັດກອງປະຊຸມຄະນະຮັບຜິດຊອບກະກຽມກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ ໂດຍການເປັນ ປະທານຮ່ວມຂອງ ທ່ານ ນ. ທອງຈັນ ແກ້ວແສນຫອມ ຄະນະພັກ ກະຊວງ ຜູ້ຊີ້ນຳວຽກງານອົງການຈັດຕັ້ງສະຫະແມ່ຍິງ ແລະ ທ່ານ ນ. ຄຳພູນ ແກ້ວສະຫວັນ ປະທານສະຫະພັນແມ່ຍິງ ກະຊວງພາຍໃນ ມີ ບັນດາຄະນະບໍລິຫານງານສະຫະພັນແມ່ຍິງ, ຄະນະໜ່ວຍສະຫະພັນແມ່ຍິງ ກະຊວງພາຍໃນ ພ້ອມດ້ວຍ ບັນດາຄະນະອະນຸກຳມະການກະກຽມກອງປະຊຸມໃຫ່ຍ ຄັ້ງທີ II ຂອງສະຫະພັນແມ່ຍິງ ກະຊວງພາຍໃນ ເຂົ້າຮ່ວມ.

       ໃນກອງປະຊຸມຄັ້ງນີ້  ທ່ານ ນ. ຄຳພູນ ແກ້ວສະຫວັນ ປະທານສະຫະພັນແມ່ຍິງ ກະຊວງພາຍໃນ ໄດ້ໃຫ້ກຽດຜ່ານຂໍ້ຕົກລົງວ່າດ້ວຍການອະນຸມັດ ແລະ ແຕ່ງຕັ້ງ ຄະນະຮັບຜິດຊອບຈັດກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ, ຈາກນັ້ນ ທ່ານ ນ. ຄຳສະຫງ່ຽມ ລາດຊະພົງ ຮອງປະທານສະຫະພັນແມ່ຍິງ ກະຊວງພາຍໃນ ໄດ້ຂຶ້ນເຜີຍແຜ່ຄຳແນະນຳຂອງປະທານຄະນະບໍລິຫານງານສູນກາງສະຫະພັນແມ່ຍິງລາວວ່າດ້ວຍການກະກຽມຈັດຕັ້ງດຳເນີນກອງປະຊຸມໃຫ່ຍຜູ້ແທນແມ່ຍິງ ກະຊວງ-ອົງການ ແລະ ແຂວງ-ນະຄອນຫຼວງ, ເມືອງ ແລະ ຮາກຖານ ເຊິ່ງເນື້ອໃນຄຳແນະນຳປະກອບມີ 4 ຂໍ້ຫລັກຄື ຈຸດປະສົງ, ເນື້ອໃນການກະກຽມໃຫ້ແກ່ການດຳເນີນກອງປະຊຸມໃຫ່ຍຜູ້ແທນແມ່ຍິງ 03 ຂັ້ນ, ກຳນົດໄລຍະເວລາກອງປະຊຸມໃຫ່ຍ ແລະ ວິທິການຈັດຕັ້ງປະຕິບັດ ໂດຍບັນດາເນື້ອໃນດັ່ງກ່າວລ້ວນແລ້ວແຕ່ມີຄວາມໝາຍຄວາມສຳຄັນ ເພື່ອເປັນແນວທາງ ແລະ ແບບແຜນວິທີການຈັດຕັ້ງປະຕິບັດ ໃຫ້ແກ່ການນຳໄປຈັດຕັ້ງຜັນຂະຫຍາຍໃຫ້ແກ່ການກະ ກຽມກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ ໃຫ້ຮັບຜົນສຳເລັດຕາມແຜນກຳນົດໄວ້.

ນອກຈາກນັ້ນ ບັນດາຜູ້ເຂົ້າຮ່ວມ ໂດຍສະເພາະແມ່ນຕາງໜ້າຄະນະອະນຸກຳມະການຂອງແຕ່ລະໜ່ວຍງານທີ່ຖືກແຕ່ງຕັ້ງ ກໍ່ໄດ້ປຶກສາຫາລື, ປະກອບຄຳຄິດຄຳເຫັນຮ່ວມກັນຢ່າງກົງໄປກົງມາ, ກະທັດຮັດ, ຈະແຈ້ງ ແລະ ສ້າງສັນ ເຂົ້າໃນການກະກຽມກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ  , ໃນຕອນທ້າຍຂອງກອງປະຊຸມດັ່ງກ່າວ ຜູ້ເຂົ້າຮ່ວມຍັງໄດ້ຮັບຟັງການໂອ້ລົມຂອງ ທ່ານ ນ. ທອງຈັນ ແກ້ວແສນຫອມ ຄະນະພັກ ກະຊວງ ຜູ້ຊີ້ນຳວຽກງານອົງການຈັດຕັ້ງສະຫະພັນແມ່ຍິງ ເຊິ່ງທ່ານ ໄດ້ເນັ້ນໜັກໃຫ້ ບັນດາເອື້ອຍນ້ອງສະມາຊິກແມ່ຍິງທຸກທ່ານ ໂດຍສະເພາະຜູ້ທິ່ຖືກແຕ່ງຕັ້ງຈົ່ງເອົາໃຈໃສ່ ແລະ  ຕື່ນຕົວໃນການປະຕິບັດໜ້າທີ່ທີ່ໄດ້ຮັບມອບໝາຍຢ່າງຫ້່່າວຫັນ ແລະ ມີຄວາມຮັບຜິດຊອບສູງ ເພື່ອຮັບປະກັນໃຫ້ກອງປະຊຸມໃຫ່ຍຄັ້ງທີ II ຂອງສະຫະພັນແມ່ຍິງ ກະຊວງພາຍໃນ ບັນລຸຜົນສຳເລັດເປັນຢ່າງດີ.

Leave a Reply

Your email address will not be published. Required fields are marked *