ກະຊວງພາຍໃນ

Ministry of Home Affairs

ສືບຕໍ່ການພົວພັນຮ່ວມມື ສອງກະຊວງພາຍໃນ ລາວ – ຫວຽດນາມ

ໃນລະຫວ່າງວັນທີ 08-12 ກໍລະກົດ 2019 ຜ່ານມາຄະນະຜູ້ແທນຂັ້ນສູງ ຂອງກະຊວງພາຍໃນ, ຊຶ່ງນຳພາໂດຍ ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ແຫ່ງ ສປປ ລາວ ພ້ອມດ້ວຍຄະນະ ໄດ້ເດີ່ນທາງໄປເຄື່ອນໄຫວວຽກງານ ລົງໄປຢ້ຽມຢາມ ແລະ ແລກປ່ຽນບົດຮຽນກ່ຽວກັບ ກະຊວງພາຍໃນ ຫວຽດນາມຢູ່  ຮ່າໂນ້ຍ ສສ ຫວຽດນາມ ເພື່ອທົບທວນຄືນການຈັດຕັ້ງປະຕິບັດແຜນການຮ່ວມມື ລະຫວ່າງ ກະຊວງພາຍໃນ ຂອງສອງປະເທດ ລາວ – ຫວຽດນາມ ໃນໄລຍະຜ່ານມາ ແລະ ທິດທາງແຜນການຮ່ວມມື ໃນປິ 2020, ໃນການເດີ່ນທາງໄປຢ້ຽມຢາມ ແລະ ແລກປ່ຽນບົດຮຽນໃນຄັ້ງນີ້, ຄະນະຜູ້ແທນຂັ້ນສູງ ຂອງ ກະຊວງພາຍໃນລາວຍັງໄດ້ເຂົ້າພົບປະເຮັດວຽກກັບ ທ່ານ ເລວິງເຕິນ ລັດຖະມົນຕີກະຊວງພາຍໃນ ແຫ່ງ ສສ ຫວຽດນາມ ພ້ອມທັງໄດ້ຈັດກອງປະຊຸມສຳມະນາກ່ຽວກັບວຽກງານຄຸ້ມຄອງບຸກຄະລາກອນ ແລະ ວຽກງານປົກຄອງທ້ອງຖິ່ນຕື່ມ ແລະ ໄດ້ຈັດ ພິທີລົງນາມໃນບົດບັນທຶກຮ່ວມກັນ ລະຫວ່າງ ກົມປະເມີນຜົນ ແລະ ພັດທະນາລັດຖະກອນ ກະຊວງພາຍໃນ ແຫ່ງ ສປປ ລາວ ແລະມະຫາວິທະຍາໄລພາຍໃນຮ່າໂນ້ຍ.

        ນອກຈາກນີ້ ຄະນະຜູ້ແທນຂັ້ນສູງຂອງ ກະຊວງພາຍໃນ ກໍ່ໄດ້ເຂົ້າຢ້ຽມຂໍ່ານັບ ທ່ານ ຫງວຽນຊວນພຸກ ນາຍົກລັດຖະມົນຕີ ແຫ່ງ ສສ ຫວຽດນາມ, ທ່ານ ຮ່າ ບານ ຮອງຫົວໜ້າຄະນະຈັດຕັ້ງສູນພັກ ແລະ  ທ່ານລັດຖະມົນຕີກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ ສສ ຫວຽດນາມ , ພ້ອມດຽວກັນນີ້ ຄະນະຜູ້ແທນຂັ້ນສູງ ຂອງ ກະຊວງພາຍໃນ ກໍ່ໄດ້ໄປຢ້ຽມຢາມ ແລະ ເຮັດວຽກຢູ່ແຂວງ ກຽ່ນຍ່າງ ເມືອງ ພູກວ້ກ ການໄປຢ່ຽມຢາມໃນຄັ້ງນິ້ ກໍ່ໄດ້ຮັບການຮັບຕ້ອນອັນອົບອຸ່ນ, ໄມຕີຈິດທີ່ສະໜິດສະໜົມ ແລະ ອຳນວຍຄວາມສະດວກ ຈາກ ຄະນະນຳຂັ້ນສູງ ແລະ ເຈົ້າໜ້າທີ່ ທີ່ກ່ຽວຂ້ອງ ຂອງ ສສ ຫວຽດນາມ ທັງສູນກາງ ແລະ ທ້ອງຖິ່ນ.

Leave a Reply

Your email address will not be published. Required fields are marked *